‘விஸ்வரூபம்’ படத்தின் இரண்டாம் பாகத்தை உருவாக்கும் வேளைகளில் பிஸியாக இருக்கிறார் கமல். முதல் பாகம் உருவாகும்போதே இரண்டாம் பாகத்தின் 75 சதவீத படப்படிப்பு முடிவடைந்துவிட்டதாம். இதனால், வருகிற ஆகஸ்ட் மாதத்திலேயே ‘விஸ்வரூபம் 2′ படத்தை நாம் எதிர்பார்க்கலாம்!. இது ஒருபுறம் இருக்க, முதல் பாகத்தை டி.டி.ஹெச் மூலம் வெளியிட்டு புதுமை படைக்கக் காத்திருந்த நடிகர் கமலஹாசனின் யோசனையை பலரும் எதிர்க்கவே, அத்திட்டம் நிறைவேறாமல் போனது. ஆனால், தற்போது உருவாகிவரும் இரண்டாம் பாகம் நிச்சயம் ‘டி.டி.ஹெச்’ மூலம் வெளியாவதில் உறுதியாக இருப்பதாக, சிலர் வதந்திகளைப் பரப்ப ஆரம்பித்திருக்கிறார்கள்… இதற்கு கருத்து தெரிவித்துள்ள நடிகர் கமலஹாசன், ‘இப்போதைக்கு படப்பிடிப்பில் மட்டுமே என் கவனம் உள்ளது. ரிலீஸ் தேதி அறிவிக்கும்போதுதான் மற்ற முடிவுகளையும் திட்டமிடுவேன்’ என முற்றுப்புள்ளி வைத்திருக்கிறார்.
