நடிகர் தனுஷ் மற்றும் இசையமைப்பாளர் அனிருத்திற்கு இடையேயான சண்டை முற்றியுள்ளதாக கோலிவுட்டில் கிசுகிசுக்கப்படுகிறது.
தனுஷ், அனிருத் கூட்டணி கொலவெறி பாடல் மூலம் உலகையே திரும்பிபார்க்க வைத்தது. இவர்கள் இருவரும் இணைகிறார்கள் என்றால் பாடல்கள் நிச்சயம் ஹிட் எனலாம். ஆனால் சமீபமாக இந்த கூட்டணியில் இருந்து எந்த பாடலும் வெளிவரவில்லை. இவர்கள் இருவருக்கும் இடையே பெரிய யுத்தம் நடந்து வருவதாக கூறப்படுகிறது. இதுநாள் வரை டுவிட்டரில் அனிருத்தை ஃபாலோ செய்து வந்த தனுஷ் தற்போது அதை நிறுத்தியிருக்கிறார். இயக்குநர் அவதாரம் எடுத்துள்ள தனுஷ் பவர் பாண்டி எனும் படத்தை இயக்குகிறார். அந்தப்படத்தில் அனிருத்தை ஒப்பந்தம் செய்யாமல் ஷான் ரோல்டனை ஒப்பந்தம் செய்துள்ளார். மேலும் ஷான் ரோல்டனை தனது டிவிட்டர் பக்கத்தில் வெகுவாக புகழ்ந்து வருகிறார். எப்போதும் தனது படத்திற்கு அனிருத்தை ஒப்பந்தம் செய்யும் தனுஷ் ஏன் இப்போது ஒப்பந்தம் செய்யவில்லை என்று கேள்விகள் கோலிவுட்டில் உலா வருகின்றன.
