பெங்களூர்: நடப்பு ஐபிஎல் 6வது தொடரில் ராயல் சேலஞ்சர்ஸ் பெங்களூர் அணியின் புயலான கிறிஸ் கெயில் நேற்று புனே வாரியர்ஸ் அணிக்கு எதிராக 7 சாதனைகளைப் படைத்திருக்கிறார். ஐபிஎல் 6வது தொடரில் 30க்கும் மேற்பட்ட ஆட்டங்கள் முடிவடைந்துள்ளன. ஆனால் நேற்று ராயல் சேலஞ்சர்ஸ் பெங்களூர் அணியின் ஆட்டம்தான் நினைவில் நிற்கக் கூடிய ஒரு ஆட்டமாக கிரிக்கெட் ஆர்வலர்கள் மனதில் நிறைந்திருக்கிறது.அப்படி ஒரு ஆட்டத்தை காட்டினார் ராயல் சேலஞ்சர்ஸ் அணியின் கிறிஸ் கெய்ல்.. கிறிஸ் கெய்லுக்கு சிங்கிள் ரன்கள் எல்லாம் வேஸ்ட் போல.. எந்த பந்தை அடித்தாலும் சிக்சர் அல்லது பவுண்டரிதான்.. அப்படி ஒரு விளாசல்... பல சிக்சர்கள் மைதான கூரைக்கு வெளியே பறந்து போய் விழுந்தன...200 ரன்களைத் தொட்டு மேலும் ஒரு சாதனை படைப்பாரோ என்று ஏங்க வைத்தது கெய்லின் ஆட்டம்
