சூர்யா ரசிகர்களுக்கு காத்திருக்கும் தீபாவளி விருந்து !!

சூர்யா நடிப்பில் தற்போது ‘எஸ்3’ படம் உருவாகி வருகிறது. இப்படத்தின் படப்பிடிப்பு நேற்று முதல் முடிவுக்கு வந்தது. பாடல் காட்சியுடன் படப்பிடிப்பை முடித்துள்ளனர் படக்குழுவினர். வருகிற டிசம்பர் 16-ந் தேதி இப்படத்தை வெளியிடுவதாக அறிவித்துள்ள நிலையில், இப்படத்தின் டீசரை வெளியிடுவதற்கான பணிகள் விறுவிறுப்பாக நடைபெற்று வருகிறது. 


இந்நிலையில், இப்படத்தின் டீசர் ரிலீஸ் தேதியை மோஷான் போஸ்டர் மூலமாக வெளியிடவுள்ளனர். அதன்படி, டீசர் ரிலீஸ் தேதியுடன் உருவாகும் மோஷன் போஸ்டரை தீபாவளிக்கு வெளியிட படக்குழுவினர் முடிவு செய்துள்ளனர். தீபாவளிக்கு சூர்யாவின் ரசிகர்களுக்கு இந்த மோஷன் போஸ்டர் நல்ல விருந்தாக இருக்கும் என எதிர்பார்க்கப்படுகிறது.

ஹரி இயக்கத்தில் ‘சிங்கம்’ பட வரிசையில் மூன்றாவது பாகமாக உருவாகிவரும் இப்படத்தில் ஸ்ருதிஹாசன், அனுஷ்கா ஷெட்டி, விவேக், சூரி, ராதிகா சரத்குமார், ராதாரவி, நாசர் உள்ளிட்டோர் நடித்துள்ளனர். ஹாரிஸ் ஜெயராஜ் இசையமைத்துள்ளார். ஸ்டுடியோ கிரீன் நிறுவனம் பிரம்மாண்டமாக தயாரித்து வருகிறது. 

Read more ...

திரிஷாவுக்கு கணவராக போகும் டிவி நடிகர் ????

திரிஷா நடிப்பில் கடைசியாக வெளிவந்த ‘நாயகி’ படம் எதிர்பார்த்த வெற்றியைப் பெறவில்லை. இதனால், இவர் அடுத்ததாக நடித்துக் கொண்டிருக்கும் ‘மோகினி’ படத்தை பெரிதும் நம்பியிருக்கிறார். மேலும், அவருடைய நடிப்பில் தீபாவளிக்கு வெளிவரும் ‘கொடி’ படமும் அவருக்கு கைகொடுக்கும் என எதிர்பார்த்து காத்திருக்கிறார்.

இப்படங்களுக்கு பிறகு திரிஷா, சதுரங்கவேட்டை படத்தின் இரண்டாம் பாகத்தில் அரவிந்த் சாமிக்கு ஜோடியாக ஒப்பந்தமாகியுள்ளார். அதைத் தொடர்ந்து ‘சாமி’ படத்தின் இரண்டாம் பாகத்திலும் இவர் நடிப்பதாக பேச்சு அடிபடுகிறது. இதற்கிடையில், ‘கர்ஜனை’ என்ற படத்திலும் சத்தமில்லாமல் நடித்து வருகிறார்.

‘கர்ஜனை’ படம் இந்தியில் வெளிவந்த 'NH10' என்ற படத்தின் ரீமேக் ஆகும். இந்தியில் அனுஷ்கா ஷர்மா நடித்த கதாபாத்திரத்தில் திரிஷா நடித்து வருகிறார். இப்படத்தில் திரிஷாவுக்கு கணவராக டிவி நடிகர் அமித் பார்கவ் நடிக்கவுள்ளார். இவர் ஜெயம் ரவி நடித்த ‘மிருதன்’ படத்தில் முக்கியமான கதபாத்திரத்தில் நடித்திருந்தார்.

மேலும், இப்படத்தின் வில்லனாக ‘மான் கராத்தே’, ‘இவன் வேற மாதிரி’, ‘தனி ஒருவன்’ உள்ளிட்ட பல படங்களில் வில்லனாக நடித்த வம்சி கிருஷ்ணா நடிக்கவிருக்கிறார். சுந்தர் என்ற புதுமுக இயக்குனர் இப்படத்தை இயக்கி வருகிறார்.

Read more ...