விஜய் நடிக்கும் புதிய படத்தில் இருந்து, சன்னி லியோன் நீக்கப்பட்டதாக தகவல்கள் வெளியாகியுள்ளன.
பாலிவுட்டில் பிரபல நடிகையான சன்னி லியோன், தமிழில் நடிப்பாரா என்று எதிர்பார்ப்பு நிலவி வருகிறது. இந்நிலையில் விஜய் நடிக்கும் ”பைரவா” படத்தில் சன்னி லியோன் ஒரு பாடலுக்கு ஆட இருப்பதாக தெரிவிக்கப்பட்டது. இதையடுத்து அவரை ஒப்பந்தம் செய்ய நடவடிக்கை மேற்கொண்டனர்.
ஆனால் சன்னி லியோன் போட்ட கண்டிஷன் படக்குழுவினர் அதிர்ச்சியடையச் செய்துள்ளது. ஒரு பாடலுக்கு நடனம் ஆட வேண்டுமென்றால், அவருடன் ஆடை வடிவமைப்பாளர், மேக்கப் மேன் உள்ளிட்ட 10 பேர் உடன் வருவார்கள் என்று கூறப்பட்டது. அவர்களுக்கும் சன்னி லியோனுக்கு நிகரான தங்கும் வசதிகள் செய்துதர வேண்டும் என்று கேட்கப்பட்டது.
இதற்கு பெரும் தொகை செலவாகும் என்பதால், சன்னி லியோனை நீக்கிவிட்டு வேறு நடிகையை ஒப்பந்தம் செய்ய படக்குழுவினர் முடிவு செய்துள்ளதாக தகவல்கள் வெளியாகியுள்ளன.
No comments:
Post a Comment